BORACAY Island — Nagdungka sa isla it Boracay ro ikatlong cruise ship sa haeos siyam nga cruise vessel nga ginaeauman nga magabisita sa sikat nga isla makaron nga dag-on.
Ro Seabourn Encore hay nag-abot ko Enero 26 sakay ro kapin sa 930 nga pasahero nga ginakaeakipan it mga dumueoong turista ag mga crew members.
Madumduman nga ko nagtaliwan nga Enero 16, ginsug-aeaw it Malay Tourism Office ag lokal nga gobyerno ro Norwegian Sky daea ro kapin sa 2,200 nga dumueoong turista ag 800 crew members.
Kamana man ko nagtaliwan nga Enero 13, ro AIDAStella cruise vessel ro unang nagdungka sa Boracay sakay ro masobra sa 3,300 nga pasahero kaibahan eon ro crew members.
Nasayuran nga uwa gihapon naduduea sa listahan it mga destinasyon it cruise ship ro isla it Boracay bangud sa ginatanyag kara nga kaanyag sa mga turista.
