KALIBO, Aklan—Nagapadayun sa gihapon ro ginapatigayon nga search and retrieval operation it Municipal Disaster Risk reduction and management office ukon MDRRMO-Numancia sa nagapabilin nga missing nga 64 anyos nga lolo matapos nga maeumos kahapon nga adlaw sa Aklan river maeapit sa Kalibo-Numancia bridge.
Suno kay Arvin Tolentino it MDRRMO-Numancia nga sa makarun hay nagapadayun ro andang pagbantay sa lugar kamana man ro pagtsikyar sa mga lugar nga posibleng masang-itan it biktima.
Madumduman nga kahapon nga adlaw naeumos ro 64 anyos nga lolo nga si Arlindo Tamayo samtang nakaeowas man ro anang live-in partner nga si Teresita Arevalo ag parehong residente it banwa it Lezo matapos nga magdesisyon nga magtabok sa Aklan river agud kungta nga magbo-oe it kahoy nga panggatong.
