KALIBO, Aklan—Sigidas eon ro preparasyon it mga babayeng secondary softball players it Aklan nga magasabak sa Western Visayas Regional Athletic Association ukon WVRAA Meet 2023 nga iga host it probinsiya sa maabot nga Abril 24 sa Calangcang Sports Complex.
Suno kay coach Randy Gubaton nga ro andang mga players hay puro naghalin sa Maloco National High School sa banwa it Ibajay.
Mas bentaha sigon ro makarondaya nga patakaran nga sa sangka eskwelahan eamang naghalin ro mga players bangud nga makasigurado it mas mabaskog nga team.
Gindugang pa ni Gubaton nga ro anang team hay ginaeakipan it 12 nga mga players kun sa siin 9 ro official players ag tatlo ro reserba.
Sa haeos sang domingo nanda nga training sa Calangcang Sports Complex hay naging maayos man ag owa it na injured sa mga raya.
Ro mga softball players it Aklan hay makikipag compete sa mga teams it Iloilo, Capiz, Antique, ag Guiramas.
Owa man suno kana it problema sa andang billeting area sa banwa it Numancia.
