Kalibo Aklan —- Gin-amyendahan ro section 3, 4 ag 6 it ginpirmahan ag ginpaguwa nga Executive Order No. 20 series of 2020 ni Aklan Governor Florencio Miraflores.
Raya hay kasunod it pila ka mga kaklaruhan nga gustong masayuran it publiko partikular it mga negosyante.
Sa ginpaguwa nga EO No. 020-A, gintaw-an kara it punto ni Gov. Miraflores nga uwa it matabo nga pagpasarado sa mga public markets apang limitado eamang ro andang operasyon halin it alas-5:00 it agahon hasta it alas-5:00 it hapon kon sa siin ro sistema hay igapairal ro “one entry, one exit policy” agud nga masunod ro ginatawag nga social distancing sa kada isaea.
Mag-eowas kara, ro mga government offices kaparehas it DOLE, DTI, DILG, DOJ-APPO, NFA, NIA, DPWH, CAAP ag LTO hay kinahang-ean nga magpatuman it rationalization of work ukon i-implementar ro work-from-home arrangements agud nga inde daeayong maparalisa ro andang mga transactions sa publiko.
Ginklaro dugang nga exempted sa coverage it curfew ro mga bakers and helpers sa bakeries; mga trabahador sa slaughter house, media practitioners, mangingisda, laundry shops ag ro mga frontliners nga ginakaeakipan it mga officers, job order, plantilla ukon volunteer personnel.
Samtang, suno kay Dr. Cornelio Cuatchon it Aklan Provincial Health Office nga ro probinsya hay may una nga 28 Person Under Investigation ukon PUI’s kon sa siin daywa kara ro nakaadmit gihapon sa Aklan Provincial Hospital kamana man kapin sa 4,333 nga mga nailistang Person Under Monitoring ukon PUM’s.
