POLICE Report — Patay ro sangka security guard matapos barilon it makapilang beses it anang kaibahan nga gwardya man bangud sa pagiging late it 30 minuto sa trabaho, sa Antipolo City, Rizal.
Base sa report, ro biktima hay reliever it suspek sa trabaho ag bukon sigon it raya ro unang kahigayunan nga nagaka-ulihi sa pagsueod ro biktima.
Matapos magsurender sa pulisya, ginpahayag it suspek nga bukon eamang ro pagiging late ro rason it pagpatay nana sa kabaro.
Dati eon sigon sanda nga gin-akigan it management rason nga ginpaeag imaw it biktima kaibahan ro anang pamilya.
Owa sigon imaw nga naila nga pati ro anang pamilya hay daeahigon.
Nakumpiska it mga awtoridad ro handgun nga ginamit it suspek.
Nagapangatubang raya sa kasong homicide, sa pihak nga ginatan-aw man it mga awtoridad ro posibilidad nga ipataas raya sa reklamong murder.
