KALIBO, Aklan—Sa ika-ap-at nga adlaw it Ati-Atihan Festival 2023, mas pang ginhugtan ro seguridad kasunod it pagbuhos it maabu nga mga tawo.
Naka-deploy eon sa mga strategic areas ro kapin sa 1,585 nga kapulisan halin sa Police Regional Office ukon PRO 6 nga maga-augment sa mga kapulisan it aklan agud nga masiguro ro kaeowasan it mga deboto, turista ag bisita.
Ro ginbilog nga Site Task Group para sa Ati-Atihan hay hugut nga nakikipag angot sa Kalibo Ati-Atihan Festival Board.
Nagtukod it mga assistance desks ag pedestrian screening areas nga ginabantayan it kapulisan ag force multipliers.
Mag-eowas kara may una man nga inner ag outer border controls ag checkpoints it PNP ag Philippine Army agud nga mabaeabagan ro anuman nga posibleng paeag.
Nakabantay man ro emergency responders ag PNP civil disturbance units para sa critical situations ag emergencies.
Ginpatuman ro gun ban umpisa ko Enero 9 hasta 15.
