KALIBO, Aklan — Todo-bantay makaron ro Philippine Coast Guard (PCG)-Caticlan sa pagbuhos it mga turista ag pasahero sa Caticlan jetty port nga maga bakasyon para sa holiday season.
Suno kay Station Commander Eric Ferrancullo nga naka-heightened alert eon sanda para sa Oplan Biyaheng Ayos nga nag umpisa ku Disyembre 18 hasta Enero 8 agud masiguro ro seguridad it mga biyahero.
Hugot sigon ro andang gina patigayun nga inspection sa tanan nga mga pasahero ag mga bagahe sa Caticlan ag Cagban ports.
Gin pahayag ni Ferrancullo nga naga patigayun sanda it routine ag random inspections sa mga naga eayag nga RoRo vessels paagto sa Mindoro, Batangas ag Romblon.
Nag umpisa eon sigon ro andang surveillance ag sea borne patrols kamana man ro pag-inspection sa mga posibleng bomba, pampasabog ag flammable fireworks sa mga sakayang pandagat bilang kaparte it andang anti-illegal drugs campaign ag hugot nga seguridad.
Ku nagtaliwan nga Disyembre 20, naka-monitor ro PCG-Caticlan it 88,500 nga outbound passengers sa nasambitang pantalan.
