Pilang domingo antes ro Semana Santa, haum eon ro aklan police provincial office ukon APPO para sa pagtau it seguridad sa mga biyahero, turista ag mga nagapanata.
Suno kay PSSgt. Jane Vega, assistant public information officer, APPO nga nakaplastar eon ro andang igapatuman nga public safety ag law enforcement operations.
Ginpasiguro man nana nga makaangkon it police visibility sa mga lugar nga tradisyunal nga gina-agtunan it mga tawo sa tiempo it kuwaresma.
Partikular sa mga terminal it bus, paeuparan, pantalan, simbahan ag iba pang tourist spots, kun sa siin ginmandu sigon ni provincial director crisaleo Tolentino nga magtukod it mga Police Assistance Centers para mag-alalay sa mga tawo.
Magiging kabulig sigon nanda sa pagbantay sa mga daeanon ro PNP Highway Patrol Group agud nga masiguro ro “road safety”.
Kamana man ro mga municipal auxiliary police it kada banwa.
Gindugang pa ni Vega nga ginaeauman ro pagbuhos makaron it mga biyahero pauli sa andang mga probinsiya ag mga turista mapa-lokal ag dumueuong nga paagto sa isla it boracay kasunod it pagduea sa mga restrictions .
