KALIBO, Aklan—Sa nabilin nga ap-at nga dag-on sa pwesto ni Pangueong Ferdinand Marcos Jr., dapat nga tutukan kara ro sektor it agrikultura.
Raya ro ginpahayag ni dating senador Kiko Pangilinan.
Suno kana nga dapat nga paumwaron ro agrikultura bangud nga masyado eon nga naaywan ro nasyon.
Dapat nga magtaeana sigon it mabahoe nga pondo agud nga suportahan ro mga mangunguma kamana man ro pagpatindog it mga irigasyon ag karsada sa kabaryuhan ag pagtau it binhi it paeay nga madaling anihon ag insigidang mapuslan.
Ginhalimbawa nana ro taiwan kun sa siin ro ginataeana nga budget it gobyerno para sa agriculture hay haeos sang trilyong piso nga mas mataas kumpara sa andang populasyon.
Nagaeaum imaw nga pinaagi sa pagtutuk sa sector it agrikultura hay magasoehay ro pagpangabuhi it mga pumueuyu ag maga-umwd ro nasyon kumpara makaron nga masyadong mataas ro presyo it mga pagkaon.
