KALIBO, Aklan–Naging madinaeag-eon ag matawhay ro selebrasyon it Ati-atihan Festival 2023 sa isla it Boracay.
Suno kay CG ENSIGN Eulogio Quinto III, Deputy Commander for Administration it Coast Guard Station Aklan nga owa sanda it nailista nga anumang maritime incident sa kabilugan it selebrasyon.
Nagsentro sigon ro andang pagbantay sa ginpatigayun nga fluvial parade it lokal nga gobyerno it Malay kung siin nagdeploy sanda it daywa ka mga floating assets.
Raya hay kaparte it pagtao it security assistance kamana man nga masiguro ro kaeuwasan it mga deboto ag turista.
Dugang pa ni Quinto nga naga-abot sa masobra 10,000 kro kabilugan nga numero it mga nakisadya sa Ati-atihan.
Mabahoe sigon ro naibulig it okasyon sa pagdagsa it mga local and tourist maskin ro mga hollywood sa pamosong isla.
Sa pihak nga parte, nakataeana nga mag-adto makaron nga adlaw sa banwa it Kalibo ro pilang personnel it CGS-Aklan agud nga magpasakop sa send-off ceremony para sa Kalibo Sr. Sto. Niño Ati-atihan Festival 2023.
Suno kay Quinto nga na-assign sanda bilang task unit maritime.
Kung siin, ro andang personnel ro responsible sa pagbantay sa mga shoreline ag kasubaan it Kalibo sa kabilugan it selebrasyon.
