Nagapabilin nga kabilugang matawhay ro selebrasyon it Ati-Atihan festival sa banwa it Makato.
Maghalin nga nag-umpisa ro pagselebrar it nasambit nga kapyestahan hay owa pa it namonitor ro mga otoridad nga nag-eontad nga insidente sa sueod it festival zone area.
Suno kay PCPT. Merriefen Carisusa, OIC Chief of Police it Makato Police Station nga nagagamit man sanda it kapareho nga framewrok nga ginapatigayon sa banwa it Kalibo.
Nagpaeapta man sigon sanda it nagakaeain-eain nga task unit para sa seguridad it tanan nga mga deboto, turista, bisita ag merrymaker sa bilog nga festival zone area.
Sa kamatuoran sigon may kabilugan nga 210 law enforcers ro gindeploy sa banwa it Makato apang sa nasambit nga numero. owa pa kara ro MDRRMO ag BFP personnels.
Sa pihak nga parte , nagpatigayon man it courtesy call si Senator Ramon” Bong” Revilla Jr. Kay Makato Mayor Ramon Anselmo Martin Legaspi III.
Ginpangunahan kara ro pag-umpisa it Pinoy games.
Samtang, para makatao man it kahigayunan nga maka-intra sa Kalibo Ati-Atihan festival ro mga participating tribes hay ginpatigayon eon lang eagi ko Enero 13 adlaw it Biyernes ro judging it tribal competition.
Sa makaron, owa pa it nadakpan ro mga katapo it kapulisan nga mga nag-eabag sa ginabawaean nga pagdaea it mga hinangiban ag delikadong armas
