KALIBO, Aklan—Kabilugan nga naging madinaeag-on ro selebrasyon it kaugalingon nga bersyon it Ati-Atihan Festival sa isla it Boracay.
Suno kay Punong Brgy. Nixon Sualog it Manoc-Manoc, Boracay nga kapin sa 16 ka mga grupo ro nagpasakop sa street dancing ag ro pagsadsad sa binit it baybayon.
Haeos tanan suno kana hay nag-enjoy sa okasyon eabi eon ro mga turista nga presenteng nagabakasyon sa nasambit nga isla.
Uwa sigon it nailistang mga untoward incident ukon zero crime maskin nga may mga nasip-eatan nga nagasadsad samtang una sa idaeom ko impluwensya it aeak.
Nag-umpisa ro Ati-Atihan festival sa Boracay haeos kadungan man sa pagtukod it kaugalingon nga bersyon it Ati-Atihan festival sa banwa it Ibajay.
Ginataw-an sigon it prayoridad kara ro mga tumandok nga Aeta ag yearly sanda nga nagapartisipar sa sadsad panaad kon sa siin naputos it buling ro andang eawas.
Madumduman nga nasip-eatan man ro kilaeang Holywood Filipino–American comedian nga si Jo Koy ukon Joseph Glenn Herbert sa minatuod nga kabuhi nga nakisadya ag game nga nakipag-selfie sa ibang merrymakers.
Una kara, sangka float parade ro ginpatigayon sa sikat nga baybayon it Boracay ag ginsundan it misa sa Our Lady of the most Holy Rosary Parish sa Brgy. Balabag.
