KALIBO, Aklan—Ginkumpirma ni Fr. Tudd Belandres, koraparoko it St. John the Baptist Cathedral nga padayun ro selebrasyon it Kalibo Sr. Sto. Niño Ati-atihan Festival sa maabot nga Enero 2021.
Apang, owa sigon it igapatigayun nga “sadsad” nga sambilog sa ginadagsa it mga pumueoyo ag turista kada tyempo it ati-atihan.
Suno kana, eauman man ro pilang pagbag-o sa sistema it selebrasyon agud nga malikwan ro pagkalhit it deadly virus.
Ginapahayag dugang nga ko nagtaliwan nga adlaw hay nagpueong sanda it lokal nga gobyerno it Kalibo kaibahan ro central committee agud nga maistoryahan ro mga tikang ag plano nga andang pagahimuon.
Kaangot kara, owa sigon it igapatigayun nga prosisyon nga nagatikang bangud ro mga “karo” hay igakarga sa mga saeakyan kamana man nga owa it mabatian nga nagapatik samtang naga-prosisyon.
Sa baylo hay magapatukar sanda it hymn ni Sto. Niño base sa komposisyon it Simbahang Katolika.
Ginpasiguro man kara nga una sa gihapon ro pagpaeak ukon pagpaidaeom sa gahum ni Sto. Niño apang eain eon raya sa nakasanayan.
