Waea-tuo eon makaron ro ginapatigayon nga mga kasadyahan ukon party sa mga Muslim Country kasunod it pagselebrar it Eid’l-Fitr, sangka Muslim holiday ukon ro kapiyestahan sa katapusan it month-long fasting it mga Muslim.
Raya ro ginakabig nga pinakamasadya nga kapiyestahan sa bilog nga dag-on it mga Muslim bangud nagamarka raya sa katapusan it Ramadan.
Suno kay Bombo International Correspondent Renier Geronimo it Qatar nga mangin ro mga Pilipino hay masadya sa nasambit nga selebrasyon bangud sa magatapos eon man ro andang pagpuasa.
Strikto sigon nga ginapatuman it mga Muslim ro mga pamahiin sa sueod it sang buean sa pag-obserbar it Ramadan rason nga pati ro mga pinoy hay nahadlok nga may maeabag sa mga raya.
Temprano pa sigon sa agahon hay naga-umpisa eon sanda it agto sa mga mosque it andang lugar para magtambong it simba.
Ginpahayag dugang ni Geronimo nga naging tradisyon man sigon it mga raya nga kada adlaw it pagtapos it Ramadan hay maga-adto sanda sa mga malls,baybayon ag mga parke.
Samtang, ro mga prinsipe ag prinsesa mat-a hay nagapanupod it kwarta ag nagapakaon sa mga tawo.
Sa pihak nga parte,ginaeauman man ro mga enggrandeng fireworks display sa nasyong Qatar bilang sambilog sa mga highlights sa pagselebrar it Edl Fit
