Ginakabig it Municipal Economic Enterprise Development Office ukon MEEDO Kalibo nga economic recovery para sa mga negosyante ro selebrasyon it Kalibo Sto. Niño Ati-Atihan Festival 2023.
Suno kay Mary Gay Joel, head it MEEDO Kalibo nga ro collection sa mga plea market hay maadto sa general fund it LGU ag general fund man it MEEDO.
Ro rental payment sa Magsaysay park hay nagaabot sa P18,000 pesos samtang P15,000 pesos man ro rental sa may plaza.
Ginpahayag dugang nga gintaw-an nanda it prayoridad ro mga negosyante sa banwa it Kalibo agud nga makabawi sa andang negosyo nga natengga it haeos daywang dag-on bangud sa pandemya.
Ginaeauman nga pagadagsaon it maabong tawo ro festival bangud nga raya ro unang kahigayunan nga magapatigayon it face to face celebration matapos ro pagpaiway kara it haeos daywang dag-ong bangud sa pandemya.
