KALIBO,Aklan– Sa pihak nga may mga insidente it pagkaeumos nga natabu nga ginkamatay it sambilog, pangkabilugan nga naging generally ag orderly ro selebrasyon it kapistahan ni San Juan de Bautista sa Aklan ko Hunyo 24,
Suno kay PSSgt. Jane Vega, assistant public information officer it Aklan Police Provincial Office ukon APPO nga owa it anuman nga major incidents nga nailista ko tiempo it event mag-eowas eon lang sa insidente it pagkaeumos nga ginkamatay it sambilog ag maswerteng naeowas ro sambilog.
May nailista man sigon nga mga insidente ag aksidente sa mga karsadahon tuga it kahilungon nga sa mayad nga swerte hay owa it grabeng lastro nga naagum ro mga biktima.
May nairecord man nga reckless imprudence resulting to physical injuries sa baybayon it Brgy. Navitas, Numancia nga ginaeakutan it daywang motorbanca ag naeowas sa peligro ro biktimang 12 anyos nga unga.
Mabahoe nga bulig sigon ro mga nakadeploy nga kapulisan ag pagtukod it mga police assistance desk.
