KALIBO, Aklan—Sa unang kahigayunan umpisa ko mga nagtaliwan nga pilang dinag-on hay nakalista it “Zero casualty” ro probinsya it Aklan kasunod it pagselebrar it kapiyestahan ni San Juan de Bautista kahapon nga adlaw, Hunyo 24,2021.
Raya hay base sa datos nga natipon it Provincial Disaster Risk Reduction and Management Council ukon PDRRMC-Aklan.
Mag-euwas kara, ginpahayag man ni Jeffrey Jizmundo it PDRRMC- Aklan nga owa man sanda it may nakit-an nga mga pasaway nga nagbayolar it hugot nga ginabawaean nga pagpaligos sa mga baybayon ag kasubaan sandig sa ginapatuman nga protocol agud nga malikawan ro pagtaeapnana it covid-19.
May kaangtanan kara, sangka fiber glass boat sigon ro gingamit it MDRRMO sa banwa it Makato agud nga magpangsita ibang mga nga nagapaligos.
Samtang, ginpasaeamatan man ni Jizmundo ro Police Maritime Group, mga katapo it kapulisan sa tanan nga kabanwahanan, Philippine Army Reserved, ag MDRRMO sa pagbulig it pagbantay.
