Kabilugan nga naging malinong ag madinaeag-on ro selebrasyon it kaugalingon nga bersyon it Ati-Atihan Festival sa banwa it Makato.
Suno kay PCapt. Merriefin Carisusa, OIC chief of police it Makato Municipal Police Station nga uwa it nailista nga major untoward incidents sa kabilugan it selebrasyon mag-eowas eon lang sa ibang indibidwal nga uwa eon it ginbilin para sa andang kaugalingon para makauli it maayos sa andang panimaeay rason nga anda raya nga ginsafe keeping sa taeatapan it pulisya para sa man sa andang kaeowasan.
Ginpahayag dugang nga ro kadaeag-an it okasyon hay bangud man sa pagbueoligan it mga gindeploy nga kapulisan ag iba pang force multipliers nga nagsikyar it security measures sa festival zone area.
Naging masadya sigon ro tanan nga nagpasakop sa kaugalingon nga selebrasyon it festival kon sa siin makit-an ro matawhay nga pagsadsad sa mga nagapangunang karsadahon it nasambit nga banwa
