-- ADVERTISEMENT --
KALIBO, Aklan—Makabig nga malipayon ro paskwa sa Dublin, Ireland suno kay Bombo International Correspondent Jean Malicse-Taytayon, tubong banwa it Buruanga apang presenteng nagatrabaho sa nasambit nga lugar.
Ginpahayag dugang nga espesyal sa mga Irish ro selebrasyon it paskwa kon siin ginataw-an gid nanda raya it importansya.
Ginapahauman it husto ro mga dekorasyon pag-abot it buean it Disyembre kon sa siin haeos tanan nga daeanon, panimaeay ag shopping malls hay may magarbo nga christmas decoration kamana man may mga nakasab-it nga makolor nga christmas lights.
Nagapatigayon man it simbang gabi ro mga kristyano sa nasambit nga nasyon bangud nga raya eon ro nakaangdan nga tradisyon nga ko ulihi hay naimpluwensyahan ro mga Irish people.
