KALIBO, Aklan—Ro paskwa hay ginaselebrar man it mga tawo sa nasyon it Mozambique.
Suno kay Bombo International Correspondent Kyle Andrei Lomugdang, tumandok it banwang Banga apang presenteng naga-trabaho sa nasambit nga nasyon nga haeos parehas man ro selebrasyon it mga tawo idto ag iya sa Pilipinas.
Ro kinaiba eamang sigon hay ro temperatura bangud natyempo ro Kapaskwahan sa summer season.
Na-obserbahan man kara nga maeaka ro mga panimaeay nga may Christmas decorations bangud nga ro mga manggaranon eamang ro sarang makabakae kara.
Samtang, may mga mall ag pampublikong lugar man sigon nga may dekorasyon kung siin idto mabatyagan ro espiritu it Paskwa.
Pag-abot it Christmas eve, nagaprepara man ro mga pumueoyo it pagkaon nga paga-saeuhan it bilog nga pamilya ag iba pang kaabyanan.
Ro mga tawo sa Mozambique hay makabig nga potato lover kamana man nga mahilig sanda sa cheese ag karne it tupa.
Nasayuran nga bukon it masyadong maumwad ro ekonomiya it nasyon rason nga mabahoe nga porsyento it populasyon ro pigado.
