KALIBO, Aklan—Owa it sin-o man nga makatupong sa selebrasyon it paskwa it mga Pilipino.
Raya ro ginpahayag ni Bombo International Correspondent Nemesia Guanco Reloj it East Coast sa Maine, USA.
Suno kana nga maskin nga bongga ro mga dekorasyon sa maine eabi pa ag raya hay ginakabig nga christmas tourist destination sa Amerika mas masadya gihapon ro paskwa sa Pilipinas.
Partikular suno kana sa annag banwang tinubuan sa Malinao kun sa siin hay may andang ginatawag nga cometa ag pastora.
Samtang, mas masadya suno kana ro misa kada Christmas eve sa maine nga ginatawag nga misa de gallo kon ro pari hay sangka Pilipino bangud nga may combo.
Ro mga taga-Maine suno kana hay nagaselebrar man it paskwa apang simple eamang bangud nga ro andang ginataw-an it importansiya hay ro andang thanksgiving day kada nobyembre.
Ro Filipino community suno kana hay kaeabanan nga naga-eaha it putaheng pinoy kada paskwa ag naga-imbita man it mga bisita.
Apang kada paskwa, patok sa mga taga maine ro paghanda it lobster rason nga may ginatawag sanda nga lobster boat nga ginasakyan ni santa claus .
