KALIBO, Aklan—Makabig nga masubo ro paskwa para sa mga Overseas Filipino Worker (OFW) nga nagatrabaho sa ibang nasyon bangud maeayo sanda sa andang pamilya.
Ro sambilog pa sa ginakasubo nanda hay ro limitadong paghueag bangud sa pilang naga-eksister nga patakaran eabi eon sa Saudi Arabia.
Suno kay Bombo International Correspondent Ma. Lourdes Baron, tumandok it Brgy. Andagao, Kalibo apang presenteng nagatrabaho sa Abha, Saudi Arabia nga kaabuan sa mga Domestic Helper idto hay owa ginataw-an it dayoff it andang mga amo.
Sa mayad nga swerte suno kana hay ginpasugtan imaw nga makagamit it internet ag cellphone para maskin paalin hay mabuoe ro anang kahidlaw sa anang mga mahae sa kabuhi.
Bangud nga sangka Muslim country ro Saudi rason nga owa it paga-eauman nga selebrasyon it Paskwa si Baron.
Raya sigon ro unang kahigayunan nga indi imaw makaselebrar it Paskwa bangud owa raya ginapasugtan it anang amo.
