KALIBO, Aklan—Pangkabilugan nga naging matawhay ro tradisyunal nga selebrasyon it Semana Santa.
Suno kay Major Belshazzar Villanoche, hepe it Kalibo Police Station nga raya hay bangud sa pagkansela sa pilang mga aktibidad it simbahan agud nga matapna ro pagtinaas it kaso it Coronavirus Disease 2019 ukon COVID-19.
Apang sa pihak kara, padayun ro deployment it andang mga tawuhan sa mga simbahan, terminals, merkado publiko, mga baybayon ag iba pang matawong lugar agud nga magtau it seguridad sa mga pumueuyu sa tiempo it Kuwaresma.
Owa sigon sanda nakalista it major incident ag maskin grabeng disgrasya sa daeanon.
Gindugang pa kara nga maskin nga may advisory nga ginpaguwa si kalibo mayor emerson lachica nga bawae ro magpaligos sa baybay ag kasubaan nga sakop it kalibo umpisa abril 1 hasta 4 hay may una gihapon nga mga pasaway rason nga pilit raya nga ginpa-uli it mga nakabantay nga kapulisan.