KALIBO, Aklan–Kabilugan nga naging matawhay ro pagselebrar it Holy Week season sa bilog nga Western Visayas.
Suno kay Plt.Col Arnel Solis, tagapaghambae it Police Regional Office (PRO-6) nga nagnaba it 125 ukon 44.16 percent ro mga nailista nga insidente it krimen sa pagdumdom it Semana Santa makarun nga dag-on.
Nasayuran nga may una eamang makarun nga nailistang 158 nga insidente it krimen kun sa siin mas manaba kung igakumpara sa 283 nga nailista ko 2021.
Angot kara, ginakabig sigon it PNP nga mabahoe nga achievement ro nasambitan nga datos.
Raya sigon hay ginapasaeamatan nanda sa nagkaeain eain nga ahensiya it gobyerno kaibahan ro media nga nagbuylog sa andang kampanya.
Nasayuran nga ro pilang ka mga krimen nga andang gintutokan ko nagtalian nga Semana Snata hay ro insidente it murder, homicide, physical injury, rape, robbery, theft ag carnapping.
Samtang, ginpahayag man ni Plt. Col Solis nga maskin ro mga nailistang vehicular accident hay nagnaba man makarun nga dag-on.
