Kabilugan nga naging malinong ag matawhay ro selebrasyon it valentine’s day sa banwa it Kalibo.
Raya hay suno kay P/Lt. George Flores, deputy chief of police it Kalibo municipal police station matapos nga uwa sanda it nailistang major incident sa bilog nga adlaw.
May ginpatigayon sanda nga deployment kasunod sa aktibidad it lokal nga gobyerno kon sa siin pormal nga ginbuksan ro love lock nga ginpangunahan ni mayor Juris Sucro ag vice mayor Cynthia Dela Cruz.
Ro love lock hay dugang nga attraction nga makit-an sa Kalibo pastrana park.
Mag-eowas kara, may gift giving nga ginhimo ro mga kapulisan it Kalibo PNP bilang kaparte man it andang pagpakita it pagpalangga sa komunidad kon sa siin may anda nga choosen family nga gintaw-an it regalo.
Samtang, nag-apela man sa publiko si P/Lt. Flores nga maging alerto sa tanan nga oras eabi eon sa gabie ag inde eon sigon magguwa sa dis oras it gabie agud nga inde mabiktima it krimen.
