KALIBO, Aklan–Simple eamang ro selebrasyon it Valentine’s Day sa Hong Kong.
Raya hay bangud owa nauso sa mga Chinese ro pagprepara it mga bonggang handa ukon regalo para sa nasambit nga okasyon.
Suno kay Bombo International Correspondent Mary Lou Bautista Borra nga masami nga nagataeaw-an eamang it bueak ag chocolate ro mag-couple.
May iba man nga naga-adto sa mga restaurant, ocean park ag disneyland para mag-celebrate.
Kaeabanan sigon sa mga couple hay naga-adto sa lugar paeamasyaran bangud mahilig sanda sa picture taking.
Dugang pa ni Borra nga bukon it ‘showy’ ro mga pumueoyo it Hong Kong rason nga makabig nga normal eamang nga adlaw para kanda ro Valentine’s Day.
Samtang, ro mga hotel ag lodging houses sa nasambit nga rehiyon hay bukon man it in-deman sa raya nga panyempo.
