KALIBO, Aklan–Magarbo ro selebrasyon it Valentine’s Day kada Pebrero 14 sa nasyon it Italy.
Raya hay bangud kaeabanan sa mga couple hay nagapatigayun it romantic dinner sa mga restaurant.
Suno kay Bombo International Correspondent Girlie Ongoco nga indi man maduea sa magkahagugma ro pagtaeaw-an it bueak ag tsokolate.
May mga ginabaligya man sigon nga special chocolates kada Valentine’s nga naka-heart shape ag nakaputos sa puea nga wrapper.
Nauso man sa nasambit nga nasyon ro pag-date sa mga parke ag iba pang lugar paeamasyaran.
Sambilog sa pinaka-sikat nga gina-adtunan it couples hay ro City of Love nga makit-an sa Verona.
Maabu sigon nga interesado nga mag-adto sa lugar bangud dikara makit-an ro palasyo ni Juliet ag balkon kung siin imaw nagadungaw kada nagabisita ukon tawag kana si Romeo ko unang tyempo.
Sa makaron hay nagserbi eon nga tourist attraction ro lugar ag maskin bukon it adlaw it tagipusuon hay maabu gihapon ro nagabisita.
