Makabig nga “solemn” ukon matawhay ro naging selebrasyon it mga hapon sa bag-ong dag-on.
Suno kay Bombo International Correspondent Josel Palma it Japan nga hugot nga ginabawaean ro mga fireworks display ag iba pang paeupok sa nasambit nga nasyon.
Sangkiri eamang sigon ro mga nagaselebrar it bag-ong dag-on sa Japan bangud kaeabanan sa mga residente sa nasyon hay Buddhist.
Sambilog man sa ginapatihan it mga hapon para makaangkon it mahaba nga kabuhi hay ro paghanda it ginatawag nga “soba noodles”.
Punuan eon man ro mga temple ag shrines sa Japan umpisa Enero 1 hasta 3 bangud sa umpisa eon ro mga residente kaibahan ro andang bilog nga pamilya sa pagbisita ag pangamuyo.
Samtang, masadya man nga ginselebrar it Pilipino community ro bag-ong dag-on samtang ginapatigayon man ro mga nakaangdan nga mga tradisyonal nga ginahimu sa Pilipinas.
