Ginpamalibaran ni Senator Christopher Go ro nagakalhit nga balita online nga namatay eon sigon si dating Pangueong Rodrigo Duterte.
Ko kan-o eamang kat nagkalhit ro mga video nga makit-an ro himo-himo nga istorya angot sigon sa pagkamatay it dating presidente nga ginkaalarma it iba.
Apang, sa ginpaguwang video ni Sen. Go nga nagaserbeng special assistant it dating Presidente, ginpahayag nga buhi ag mabaskog pa ro dating presidente.
Makit-an man sa video nga kaibahan it Senador ro dating Pangueo nga presenteng una sa andang baeay nga nagarelax matapos magretiro halin sa politika.
Ginpahayag it dating presidente nga magueang eon imaw ag inde malikawan nga magkasakit.
Si Duterte hay 79 anyos eon makaron nga dag-on ag imaw man ro pinakamagueang nga naging presidente it Pilipinas kat imaw hay 71 anyos.
Samtang, ginlaygayan it Senador ro mga Pilipino nga magdahan sa fake news.
