KALIBO, Aklan—Makarun nga nakataeana eon ro deliberasyon sa Senado para sa P4.5 trillion 2021 national budget, ginpahayag ni Senator Sherwin Gatchalian nga igaduso nana ro pagbalik it pondo para sa mga manugturo.
Suno kana, mabahoe man ro gina-sakripisyo it mga manugturo sa pagpatpat it ‘blended learning system.’
Maskin natueopangdan sigon nana ro limitadong kapasidad it gobyerno makarun, dapat hay indi pa gihapon pag-paeson kundi dapat pang ipabilin ro pondo para sa benepisyong-medikal it mga manugturo.
Ginpahayag dugang nga makaron nga dag-on nagtaeana it P400 million para sa medical benefits it mga manugturo apang ginkakas raya sa 2021 National Expenditure Program it gobyerno.
Nagtaas man it 9.5 percent ro pondo it DepEd para sa masunod nga dag-on.
