Gin-anunsiyo ni presidential sister ag Senador Imee Marcos nga indi man imaw magatambong sa ikalimang State of the Nation Address (SONA) it anang manghud nga si Pangueong Ferdinand Marcos Jr.
Sa sangka interview, ginkumpirma it senadora nga indi imaw magatambong sa SONA it pangueo makaron nga dag-on.
“Okay lang pakikinggan ‘yun nga lang masama ang loob namin dahil pinakukulong, kinakasuhan ang minority. ‘Di ko kaya eh, masama ang loob ko d’yan eh.”
Nakasuksok man ro senadora it kulay itom maskin nga owa direktang ginsabat kon raya hay bilang protesta. Suno kana nga ko nagtaliwan nga SONA hay itom man ro anang eambong bangud nga raya sigon ro anang campaign color ko 2025 elections.
Nauna eon nga ginkumpirma it Senate Minority leader Alan Peter Cayetano nga indi imaw magatambong sa SONA.
Suno kay Sen. Marcos, maabu pang miyembro it minorya ro indi magatambong sa SONA. Ginklaru man it senadora nga owa sanda nagtrato nga indi magatambong.
