KALIBO, Aklan–Nagapati si Senator Imee Marcos nga maabu ro dapat ubrahon ag ayuson sa Department of Agriculture.
Gintaw-an it punto it Senadora sa anang pagbisita sa probinsya it Aklan kaina ro eapnaag nga importasyon it nagkaeain-eain nga agricultural products para masabat ro kakueangan sa supply it nasyon.
Tyempo eon sigon para taw-an it igtueopangod ro pagpabaskog it produksyon it mga local farmer agud nga makabulig sa food security.
Ginpasiguro man kara ro anang suporta sa mga programa it probinsya partikular sa agrikultura.
Sa pihak nga parte, nagaeaum sigon imaw nga maka-produce it mga young farmer sa Aklan kaibahan ro mga bag-ong ideya ag teknolohiya.
Engkaso nga mataw-an it katumanan, nagpahayag man raya it suporta ag pagbulig sa pagmarket it mga produkto paadto sa industrial consumers.
