Kasunod it 7.0 magnitude nga linog nga tumama sa Northern Luzon ko nagtaliwan nga buean, gusto it sangka pro-administration lawmaker nga magbaeay it National Resiliency and Disaster Management Authority para sa sangka koordinadong pagsabat sa mga kalamidad.
Sa pagdihon it Senate Bill (SB) 186, ginpahayag ni Senador Imee Marcos nga ro mismong National Disaster Risk Reduction and Management Council (NDRMMC) hay mas gusto nga sa idaeom it Office of the President (OP) bangud ro pagsabat ag rescue operations kara hay nagakinahangean it kooperasyon it iba pang departamento ag mga ahensya.
Suno pa kay Marcos nga ro presenteng sueundanan sa disaster risk reduction hay kinahangean pa nga mag-agi sa nagakaeain-eain nga ahensya it gobyerno nga mas nagatuga pa it “delay” sa paghueag it mga resources sa oras it kalamidad.
Gin-insister ni Marcos nga ro Pilipinas hay sangka arkipelago nga makit-an sa Pacific ring of fire, nga may masobra sa 7,000 isla ag 36,000 kilometrong baybayon kung siin vulnerable ro nasyon sa mga natural calamities.
