Uman nga nag-surrender si Senador Jinggoy Estrada sa Criminal Investigation and Detection Group (CIDG) matapos magpaguwa ro Sandiganbayan it pangaywang warrant of arrest kontra kana angot it kasong plunder nga may kaangtanan sa P573-milyon sigon nga flood control projects.
Raya eon ro pangaywang warrant nga ginpaguwa kontra sa senador sa sueod it ap-at nga adlaw. Nauna eon umaw nga nakapiyansa para sa kasong graft, apang indi pwedeng piyansahan ro bag-ong kasong plunder nga ginpasaka kontra kana.
Ginpamilit ni Estrada nga paga-gamiton nana ro mga legal nga remedyo nga nakabaehag sa laye, kaibahan ro pagdihon it motion for reconsideration, samtang naga-salig sa patas ag uwa it gina-apinan nga pagpamati it kaso.
Raya ro pangatlong kahigayunan nga nagapangatubang si Estrada sa kasong plunder.
Nauna imaw nga naabsuwelto sa kasong may kaangtanan sa jueteng ku 2007 ag sa PDAF case ku 2024.
Samtang, padayon nga gina-subaybayan eo pag-huwag it kaso nga uman nga nag-tao it atensyon sa istorya it anomalya sa linya it mga opisyal it gobyerno.
