KALIBO, Aklan – Umapela it pakikipagbueoligan sa tanan eabi eon sa Local Government Unit (LGU) Malay si Sen. Loren Legarda agud nga mas mapadasig ro pag-ayos sa isla it Boracay.
Sa ginpatigayon nga Senate inquiry ku adlaw it Biyernes, ginhinyu ni Legarda nga buligan ro andang bahin agud mataw-an it “ngipon” ag “pangil” ro mga ginapatuman nga layi.
Ginpahayag kara nga haum sanda nga magpasa it polisiya ag kasuguan agud mas mapabakod pa ro mga raya.
Samtang, ginhambae ni Legarda nga bastante ag strikto eon ro mga layi kamana man nga may una raya nga nagaka-igo nga penalidad.
Mag-eowas kara, may una man nga Environmental Ombudsman agud hadlukan ro mga lokal nga gobyerno nga indi magpatuman it andang mga environmental laws.
Raya ro nangin sabat it senadora sa pahayag ni Department of Environment and Natural Resources (DENR) Sec. Roy Cimatu nga sa makaron, sambilog sa andang problema ro lacking enforcement capabilities.
