KALIBO, Aklan—Nagapati si Presidential aspirant Senator Manny Pacquiao nga ro anang gin-baeay nga 22-round agenda ro makapa-asenso sa Pilipinas engkaso nga magdaog sa maabot nga eleksyon.
Ginmitlang kara sa ginpatigayon nga panata sa bayan, presidential forum it KBP ro pila sa 22 points sa anang plano nga ginaeakipan it pagtapna sa korapsyon, economic growth and development; employment program; housing program; pag-ayos sa healthcare system ag iba pa.
Sa pihak nga parte, ginpahayag ni Pacquiao nga importante ro makaangkon it konsultasyon sa LGU ag komunidad antes nga iduso ro reclamation projects.
Sa parte man it online sabong, bukon suno kana imaw it pabor nga raya hay ipasarado.
Kinahangean sigon nga ma-regulate ro tanan nga mga magahampang nga may ikasarang ag sa tamang edad.
Dapat suno kana nga makaangkon eang it disiplina sa kaugalingon.
