Ginpasidunggan ni Sen. Robinhood “Robin” Padilla ro limang rescue workers nga namatay samtang ginagampanan ro andang obligasyon sa kasagsagan it pagpanaeasa it bagyong Karding.
Sa Senate Resolution 234, gintaw-an it pagpasidungog ni Padilla ro kabaganihan nanday Narciso Calayag Jr., Jerson Resurreccion, Marby Bartolome, George Agustin ag Troy Agustin it Bulacan Provincial Disaster Risk Reduction and Management Office.
Ginpahayag ni Padilla nga nagabulig ro lima sa mga residente it Sitio Galas sa Barangay Camias sa San Miguel, Bulacan nga nagbakwit sa tunga it baha.
Suno sa report, binawian it kabuhi ro limang rescuers kat anuron ro lifeboat nga andang ginasakyan matapos gumuho ro sangka kongkretong pader.
Na-retrieve ro andang mga bangkay sa Sitio Banga-Banga sa Barangay Camias.
