Gindihon ni Senator Robinhood “Robin” Padilla ro sangka hagna nga tuyo nga igamandu ro paggamit it parehong Ingles ag Filipino bilang mga opisyal nga lenggwahe sa tanan nga mga dokumento it gobyerno.
Ginpaathag ni Padilla nga pamaagi sa Senate Bill (SB) 228 ukon ro “Equal Use of Official Languages Act,” ro pagbaehag it mga isyu ag dokumento sa parehong lenggwahe hay magaserbi sa mga Filipino it mas madali nga access ag inclusive nga pag-intindi sa mga laye ag dokumento it gobyerno.
Dugang pa it senador nga ro 1987 Constitution hay nagmandu eon sa gobyerno nga umpisahan ag igapabilin ro Filipino bilang medium of official communication.
Sa idaeom it gindihon nga SB 228, parehong Ingles ag Filipino ro pagagamiton sa tanan nga mga igapaguwa nga mga dokumento it gobyerno kaibahan ro mga masunod.
Mga dokumentong panglaye kaibahan ro mga akto, mga hagna, mga resolusyon, mga journal, ag mga presentasyon it komiteba.
Mga Judicial Issuance ag Proceedings kamana man ro mga desisyon, resolusyon,sueundanan ag iba pang mga issuance it Korte Suprema ag mga lower court it Pilipinas.
Mga Internasyonal nga Kasugtanan.
Mga Pangpublikong Advisory ag Publication of Acts.
