Ginpagbigyan it Senado ro hinyo it Kamara nga ipabilin ro Ayuda para sa Kapos ang Kita ukon AKAP program sa 2025 General Appropriations Bill.
Raya ro ginpahayag ni Senate Committee on Finance Chairman Senadora Grace Poe matapos aprubahan it daywang kapueungan it Kongreso ro proposisyong P6.352 trillion pesos nga 2025 national budget.
Halin sa proposisyong P39 billion pesos hay nagnaba sa kueang-kueang P26 billion pesos ro pondo it AKAP.
Suno pa kay Poe, ginpaathag sigon it andang counterpart sa Kamara kung ham-an it raya hay sangka pamaagi nga makabulig sa publiko.
Ginpasiguro it senadora nga ginklaro eon nanda ro guidelines sa idaeom it AKAP kon sa siin, ro mga makabaton it nasambit nga bulig hay ro mga minimum wage earners nga apektado it mga sitwasyon kaparehas it inflation.
