Ginpasiguro ni Senate President Tito Sotto III nga prayoridad it Senado ro pagtao it emergency powers kay Pangueong Ferdinand Marcos Jr. para solusyunan ro epekto it pagtaas it produktong petrolyo bangud sa kinagamo sa Middle East.
Suno kana, ginaeauman eon ro request halin sa Malakanyang para sa pagtao it emergency powers kay Pangueong Marcos Jr.
Insigidang igasumite sa mga natungdan nga komite sa Senado ro proposal ag pagaistoryahon nana ro mga Chairman it Committee on Ways and Means, Finance ag Energy.
Kaparehas sa ibang proposisyong laye, magaagi anay sigon ro proposisyong emergency powers sa mga pagpamati mag-eowas eon lang kon igadeklara raya para dalion nga ipasa.
Gin-insister pa ni Sotto nga kon piliton mat-a hay masarangan nga maipasa ro proposisyong emergency powers para kay Pangueong Marcos Jr. maskin pa daywang dominggo eon lang hay maga-session break eon ro senado.
