-- ADVERTISEMENT --
NATIONAL News —- Igapatuman ro total lockdown sa edipisyo it senado sa Lunes, Agosto 22, kasunod it pagpositibo sa COVID-19 it pilang mga senador.
Suno kay Senate President Juan Miguel Zubiri, ginmandu eon nana sa secretariat nga magpatigayon it disinfection ag maid-id nga paglimpyo sa tanan nga mga taeatapan it senado.
May kaangtanan kara, indi anay pagpasudlon ro mga empleyado it senado, sa baylo hay work from home anay sanda sa Lunes, ag owa man anay it sesyon.
Magabalik man ro sesyon it Senado sa Martes, Agosto23.
Madumduman nga pitong senador eon ro tinamaan it COVID-19 umpisa nga magbukas ro 19th Congress, kun sa siin maabu sa mga raya hay na-expose sa andang mga staff ag mga miyembro it secretariat.
-- ADVERTISEMENT --
