Pormal eon nga maga-tililipon ro Senado bilang impeachment court sa Mayo 18, 2026 para umpisahan ro proseso it pagpamati sa impeachment case kontra kay VP Sara Duterte, suno kay Senate President Sen. Alan Peter Cayetano.
Ginkumpirma it Senado ro pagbaton it articles of impeachment halin sa Kamara ag nakataeanang i-refer raya sa impeachment court sandig sa gintaeana nga sueundanan ag Konstitusyon.
Ginaeaumang magapaguwa it iskedyul para sa pag-atubang it magtimbang nga bahin, samtang posibleng sa Hulyo pa mag-umpisa ro aktuwal nga pagbista depende sa proseso ag numero it session days.
Ginpunto it pamunuan it Senado nga pagasundon ro naga-iral nga laye ag magapadayon ro proseso nga uwa it pagka-delay, kadungan it pagbalibad sa mga haka-hakang may kaangtanan ro pagbag-o sa liderato sa anumang plano nga baeabagan ro impeachment proceedings.
