NATIONAL News — Gin-aku ni Senador Ronald `Bato’ Dela Rosa nga sambilog sa anang mga opsyon ro magpanago eon lang sa baylo nga magsurender sa mga awtoridad engkaso nga magpaguwa eon ro International Criminal Court (ICC) it arrest warrant kontra kana.
Si Dela Rosa ro Philippine National Police (PNP) chief kat ginlunsar ni dating Pangueong Rodrigo Duterte ro `war on drugs.’
Pilang oras matapos ipatuman it gobyerno ro arrest warrant it ICC kay Duterte, nagdihon ro kampo kara ag si Dela Rosa it petisyon sa SC nga nagahinyu nga magpaguwa it temporary restraining order (TRO) para pugngan ro mga awtoridad sa pagtau it bulig sa ICC.
Suno pa sa senador, sa oras nga indi pumabor kana ro desisyon it SC sa ginpasaka nga petisyon, pagabatunon nana raya it hantup sa tagipusuon, apang pagatan-awon sigon nana kon ano ro naging basehan it desisyon.
Ginkutana si Dela Rosa kun naga-isip baea imaw nga magpanago sa mga awtoridad ag ro naging sabat it senador hay, “Well, kung wala tayong makita na hustisya dito sa ating bansa, bakit ka susuko? ‘Di ba?”
Kaibahan sigon raya sa anang mga ginakonsidera ukon kaibahan sa courses of action nga puwedeng obrahon nana.
Dugang pa ni dela Rosa, malabo man nga maalagaan nana ro dating pangueo sa detention center it ICC sa The Hague, Netherlands.
