KALIBO, Aklan — Natagboeo eon lang si Senador Nancy Binay matapos masayuran nga sambilog man sa major violator sa isla it Boracay ro Paradise Garden and Convention Center nga ginhiwatan it senate hearing ku nagtaliwan nga dominggo.
Sa interview it Bombo Radyo Kalibo, gin pahayag it chairman it Senate Committee on Tourism nga apisar nga sa nasambitang resort pa gin patigayun ro andang hearing ag nakitaan ro mga raya it pag eabag sa environmental laws hay dapat nga manabat.
Naga kinahangean sigon ro Boracay it insigidang aksyon ag tingob nga pag hueag eabi eon it lokal nga gobyerno, residente ag mga naga panag iya it hotel ag resort.
Sa pihak nga parte, plano ni Senador Binay nga magdihon it resolusyon sa madason nga dominggo may kaangtanan sa pag-imbentaryo sa tanan nga mga tourism island destination sa nasyun agud masayuran ro andang kapahauman sa pagbaton it mga turista.
Tinotuyo sigon kara nga indi magpareho sa presenteng sitwasyun it Boracay.
Gin proponer kara nga makaangkon it development master plan, wastewater plan ag solid waste management plan ro kada island resort sa nasyun.
