MALAY, Aklan — Ginkasuhan eon ni Senator Jinggoy Estrada it physical injury ro tatlong indibidwal nga gina-alegar nga nagbugbog sa anang unga nga si Julian Estrada, 29, ag gumankon nga si Jefferelly Vitug, 24, samtang nagabakasyon sa Boracay ko nagtaliwan nga domingo.
Insigidang nagbiyahe si Estrada paagto sa Boracay agud nga personal nga sayuron ro insidente ag mabuligan ro anang unga ag gumankon.
Nasayuran nga nakaangkon it head injury si Julian ag nanihan sa kuko sa siki, samtang nakaangkon man it nina sa ilong si Jefferelly.
Base sa report, nagatikang ro mag-igkampod halin sa OM Bar paagto sa D’Mall kat sundan ag gulping gin-atake it tatlong eaeaki.
Ginasugid nga sambilog sa mga suspek ro nagpaeapit kay Jefferelly ag naghambae nga “Masyado kang mayabang sa bar,” antes raya nga ginbayo. Kat ginhana ni Julian nga magpatunga, ginkabuligan man imaw nga sakiton it mga suspek.
Insigida nga gindaea ro mga biktima sa Ciriaco S. Tirol Hospital.
Ro mga suspek hay nagapang-edaron it 18 hasta 19 ag parehong mga residente it Barangay Manoc-Manoc, Boracay.
Hayra ro naging statement ni Senate President Pro Tempore Jinggoy Estrada sa insidente:
It’s unfortunate that their vacation in Boracay was marred by an act of violence.
While charges have already been filed against the suspects, I trust that the proper authorities will investigate this case thoroughly and ensure that justice is served.
No parent or relative ever wants to hear that their loved ones have been victims of such a senseless act in a place that should be a friendly community and a source of relaxation.
My family and I are grateful that our loved ones are safe now, but we hope incidents like this serve as a reminder of the need to create a safer environment for everyone.
