Gindayaw ni Senador Panfilo Lacson si DFA Secretary Ma. Theresa Lazaro sa madinaeag-on nga “quiet diplomacy” nga nagtau it daean sa eowas nga pag-agi it mga barko it Pilipinas, suplay it enerhiya, ag mga Pilipinong marino sa Strait of Hormuz.
Ginpamilit ni Lacson nga raya hay importante bangud nga sa nasambit nga ruta naga-agi ro 80% hasta 100% it gina-import nga langis it Pilipinas.
Madumduman nga ko Abril 2, ginpahayag it DFA nga ginpasiguro it Iran nga pagapasugtan nanda ro eowas ag owa it aberya nga mga oil shipment it Pilipinas nga makabulig sa seguridad it enerhiya it nasyon ag kaeowasan it mga bansa Pilipinong seafarer, sa tunga it nagataas nga presyo it langis ag pangkalibutanon nga tensyon.
Nauna eon nga gin-engganyo ni Lacson ro mga Pilipino nga ipangamuyo nga maeampasan it nasyon ag ko bilog nga kalibutan ro “Trump-26”, sa tunga it mga hangkat nga pang-ekonomiya nga suno kana hay tuga it mabahoe nga “whimsical arrogance” ni US President Donald Trump.
