Nagapati ro political commentator nga si Ronald Llamas nga sambilog si Sen. Robin Padilla sa mga rason kon ham-an nga maabu nga mga artista ro napiyerde ko nagtaliwan nga midterm elections.
Raya hay kasunod it pahayag it asawa ni Padilla nga si Mariel Padilla nga ginapag-isipan eon it anang mister nga indi magpa-ilihir sa 2028 bangud nga bukon raya it “deserve” it mga Pilipino.
Pahayag ni Llamas, kinahangean nga pasaeamatan si Padilla bangud nga ro mga botante hay owa eon nagabase sa popularidad eamang rason nga owa nagdaog ro haeos kaabuan it mga artista nga nagkandidato sa nagtaliwan nga eleksyon.
Ginpunto pa ni Llamas nga number one nga senador si Padilla kat magpadaeagan raya apang makaron, magapusta sigon imaw nga indi eon maga-number one it uman engkaso nga magpadaeagan sa maabot nga presidential elections.
