Ginaduso sa makaron it sangka mamalidha ro proposisyong nagatao it otoridad sa Pangueo it otoridad nga suspendihon ro umento sa contributions sa Philippine Health Insurance Corporation (Philhealth) sa panyempo nga igadeklara ro state of national emergency ukon state of national calamity sa nasyon.
Sa idaeom it Senate bill nga gindihon ni Senator Grace Poe, ro Pangueo it nasyon sa idaeom it rekomendasyon it Philhealth board matapos ro konsultayon sa mga stakeholders hay pagataw-an it otoridad nga igasuspendi ro umento sa premium contributions engkaso magapangatubang sa state of national emergency ukon state of national calamity ro nasyon.
Paga-amyendahan it nasambit nga proposisyong laye ro Republic Act 11223 ukon ro Universal Health Care Act kung siin nakabaehag nga puweding magpatuman it pagtaas it Philhealth contribution engkaso nga maideklara ro state of national emergency.
Gin-insister it Senador nga sa makaron hay kinahangean nga mabatian ro mga reklamo it mga pumueoyong Piplipino para sa andang mga nagapanguna nga kinahangeanon para mapakaon ro andang pamilya ag sa trabaho para mabuhinan ro andang mga ginapas-an ag maka-angkon it suporta maghalin sa gobyerno.
Gin-engganyo man it Senadora ro Kongreso nga iprayoridad ro deliberasyon it nasambit nga proposisyon kasunod eon man it nakataeanang pagpatuman it premium hike sa contributions.
Samtang, nauna eon nga nag-abiso ro Philhealth nga ro bueanang premium contribution hay magataas it 4% para makarong dag-on sandig sa UHC law.
