Nakataeanang ipaguwa it Senate impeachment court sa Lunes, Hunyo 29, ro pre-trial order para sa impeachment case kontra kay Vice President Sara Duterte.
Gin-umpisahan eon it impeachment court ro pagpreparar it dokumento, kadungan it pagpaguwa it advisory memorandum ni Senate President Sherwin Gatchalian sa mga senador angot it proseso.
Suno sa impeachment court, paga-trabahuan ro pre-trial order hasta sa weekend para mapaguwa raya sa gintaeana nga petsa.
Maga-serbe rayang giya sa pagpamati it kaso, kaibahan ro mga isyu sa mga kamatuoran, testigo, ag iskedyul it pagbista nga igapresenta it House prosecution panel ag defense team.
Iga-pana’o ro kopya it pre-trial order sa magtimbang nga bahin hasta Hulyo 1 para makasumite it andang komento, ante ro pag-umpisa it impeachment trial sa Hulyo 6.
