Ginklaro ni Senate President Juan Miguel “Migz” F. Zubiri ro mga nagapangunang isyu nga ginpangutana it anang mga kaibahan sa hagna nga Senate Resolution No. 485, nga nagapabor sa ratipikasyon it Regional Comprehensive Economic Partnership Agreement ukon RCEP.
Ginpaathag ni Zubiri it detalyado ro mga benepisyong posibleng maboue maghalin sa kasugtanan sa baealigyaan.
Suno sa mamalidha, naga ro RCEP hay sangka ASEAN-led free trade agreement (FTA) nga gintingob ro mga naga-iral nga regional free trade agreement sa sangka moderno, komprehensibo ag mataas nga kalidad ag sangka mutually beneficial economic partnership agreement.
Ginpaathag dugang kara nga raya hay moderno bangud gin-update sigon kara ro sakop it naga-iral nga Association of Southeast Asian Nations ukon ASEAN free trade agreement ag ginpahaegahan ro mga nagapangunang isyu sa baealigyaan kapareho it electronic commerce, competition, intellectual property ag government procurement.
Raya hay komprehensibo bangud sigon raya hay nagasakop sa mga lugar it negosyo nga owa pa nasasakop dati kapareho it small and medium enterprises; mataas ro kalidad bangud sa klase sigon it commitment nga nagatao it kapag-unan ag predictability sa negosyo ag mga kapitalista.
Ginpabugae man ni Zubiri nga gaabot sa 1.4 milyong trabaho ro maigatao para sa mga Pilipino hasta sa 2031 sa tyempo naga maratipikahan it Senado ro RCEP.
Ro RCEP hay sangka free trade agreement sa tunga it mga nasyon sa Asia-Pacific it Australia, Brunei, Cambodia, China, Indonesia, Japan, South Korea, Laos, Malaysia, Myanmar, New Zealand, Pilipinas, Singapore, Thailand, ag Vietnam.
